Шу ҳафтада фаолиятини якунлаган бразилиялик посбон Жулио Сезар Жозе Моуриньо билан боғлиқ воқеани ёдга олди. Маълумот учун, у “Интер”да португалиялик мутахассис қўл остида ўйнаган. Дарвозабон 2013 йилги Конфедерациялар кубоги финалида испанларга қарши бўлган ўйиндан кейинги воқеани хотирлади.
“Кийим алмаштириш хонасига келганимда Моуриньо СМС жўнатганини кўрдим. Ўша пайтларда “Реал”да Касильяс билан муносабатлари яхши эмасди. Жозе менга шундай деб ёзганди: “Сен ажойибсан, у эса сенинг даражангга эришиш учун ҳаракат қилиши керак, аммо тескариси бўляпти”. Кейинчалик Жозе менга менинг битта қўлим Касильяснинг иккита қўлидан ҳам кўпроқ иш бажарашини айтганди”, деди Сезар.
