Shu haftada faoliyatini yakunlagan braziliyalik posbon Julio Sezar Joze Mourinyo bilan bog‘liq voqeani yodga oldi. Ma’lumot uchun, u “Inter”da portugaliyalik mutaxassis qo‘l ostida o‘ynagan. Darvozabon 2013 yilgi Konfederasiyalar kubogi finalida ispanlarga qarshi bo‘lgan o‘yindan keyingi voqeani xotirladi.
“Kiyim almashtirish xonasiga kelganimda Mourinyo SMS jo‘natganini ko‘rdim. O‘sha paytlarda “Real”da Kasilyas bilan munosabatlari yaxshi emasdi. Joze menga shunday deb yozgandi: “Sen ajoyibsan, u esa sening darajangga erishish uchun harakat qilishi kerak, ammo teskarisi bo‘lyapti”. Keyinchalik Joze menga mening bitta qo‘lim Kasilyasning ikkita qo‘lidan ham ko‘proq ish bajarashini aytgandi”, dedi Sezar.
