“Атлетико” Ла Лиганинг 33-турида “Реал Сосьедад”га 0:3 ҳисобида имкониятни бой берди.

“Матрасчилар” посбони Ян Облак бу билан Ла Лигада иккинчи бор битта ўйинда 3 та гол ўтказиб юборди. Биринчи марта 2016 йилнинг ноябрида “Реал” Облак дарвозасига 3 та тўп киритган. Дарвозабон “Атлетико” сафида Испания чемпионатида шу пайтга қадар 112 та ўйин ўтказди.

Мазкур мағлубият “Атлетико” учун Симеоне бошқарувидаги 10-йирик мағлубият бўлди. Мадрид клуби шу пайтга қадар “Реал”га 5 марта, “Барселона”, “Атлетик”, “Осасуна” ва “Вилярреал”га бир мартадан йирик ҳисобда мағлуб бўлганди.