“Барселона”нинг собиқ президенти Жоан Гаспар Каталония клубининг Ла Лига ва Испания кубогида зафар қучишини, “Реал”нинг эса ЕЧЛда мағлубиятга учрашини истамоқда.
“Менимча, айни дамда “Барселона” учун энг муҳими — Ла Лига чемпионлиги. Мен клубнинг “олтин дубл” қайд этишини, “Реал”нинг эса Чемпионлар лигасида мағлубиятга учрашини истайман.
Умид қиламанки, “Бавария” ярим финалда вазифасини уддалай олади. Агар немис клуби буни эплай олмаса, ишонаманки, “Реал”ни Чемпионлар лигасининг финалчиси мағлуб этади.
Чорак финал ўйинлари мен учун оғир кечди. Дастлаб “Барселона”нинг мағлубияти, кейин эса “Реал”нинг ғалабаси мени ранжитди. “Ювентус”га мухлислик қилгандим, аммо ҳаммаси барбод бўлди”, деди Гаспар.
