“L'Equipe” нашрининг ёзишича, “ПСЖ” ҳужумчиси Неймарнинг шартномасида унинг товон пули келтирилмаган.
Бу маълумотни Франция Профессионал футбол лигаси ўзининг расмий хабари орқали тасдиқлаган. Манбаларда ёзилишича, Неймарнинг нархи клуб таъкидлаганидек 300 ёки 400 млн евро эмас.
“ФПЛ (Франция Профессионал футбол лигаси) регламентнинг 202 бандига кўра Франция чемпионатида клубларга футболчиларнинг шартномаларида товон пулини белгилаб қўйишни тақиқлаган, бунда шартноманинг бир ёки икки томонлама бекор қилиниши ҳолати назарда тутилган”, деб ёзади “L'Equipe” нашри.