“Тоттенхэм” клуби бош мураббийи Маурисио Почеттино “Манчестер Юнайтед”га қарши учрашувдаги мағлубиятдан сўнг фикрларини билдириб ўтди.

“Ҳар битта мағлубиятни омадсизлик деб ҳисоблайман. Албатта, буни қабул қилиш қийин, биз финалга чиқа олмаганимиздан қаттиқ ранжидик.

Ҳа, яхши ўйнадик, лекин бунинг ўзи ғалаба учун камлик қилди. Биринчи бўлимда “Манчестер Юнайтед”дан яхшироқ ўйнай олдик.

Лекин “МЮ” жуда чуқур ва ишончли тарзда ҳимояланади. Финалга яқин эдик, барчасини унутиб энди олдинга қадам ташлаш керак. Мавсумни кучли тўртликда якунлаш асосий вазифамиз.

Совринлар ҳақида гапириш осон, лекин уларни ютиш қийин. Айниқса сенга “МЮ”, “Челси” ёки “Манчестер Сити” каби жамоалар қаршилик кўрсатганда. Лекин асосийси “Тоттенхэм” шундай клублар билан рақобатлаша олди”, – деди Почеттино.