“Tottenxem” klubi bosh murabbiyi Maurisio Pochettino “Manchester Yunayted”ga qarshi uchrashuvdagi mag‘lubiyatdan so‘ng fikrlarini bildirib o‘tdi.
“Har bitta mag‘lubiyatni omadsizlik deb hisoblayman. Albatta, buni qabul qilish qiyin, biz finalga chiqa olmaganimizdan qattiq ranjidik.
Ha, yaxshi o‘ynadik, lekin buning o‘zi g‘alaba uchun kamlik qildi. Birinchi bo‘limda “Manchester Yunayted”dan yaxshiroq o‘ynay oldik.
Lekin “MYU” juda chuqur va ishonchli tarzda himoyalanadi. Finalga yaqin edik, barchasini unutib endi oldinga qadam tashlash kerak. Mavsumni kuchli to‘rtlikda yakunlash asosiy vazifamiz.
Sovrinlar haqida gapirish oson, lekin ularni yutish qiyin. Ayniqsa senga “MYU”, “Chelsi” yoki “Manchester Siti” kabi jamoalar qarshilik ko‘rsatganda. Lekin asosiysi “Tottenxem” shunday klublar bilan raqobatlasha oldi”, – dedi Pochettino.
