Женева шаҳриди УЕФА ва БМТ ҳамкорлигида ўтмишдаги юлдуз футболчилар иштирокида ҳайрия ўйини бўлиб ўтди. Бу ўйинда “Фигу дўстлари” ҳамда “Роналдиньо дўстлари ” жамоалари куч синашишди.
“Фигу дўстлари” жамоасини Мишель Платини, “Роналдиньо дўстлари ” жамоасини Карло Анчелоти бошқарди. Ўйинни машҳур италиялик ҳакам Пьерлуижжи Колина бошқарди.
“Фигу дўстлари” таркибида: Дида, Витор Байя, Мичел Сальгадо, Франк де Бур, Рио Фердинанд, Кристиан Киву, Деян Станкович, Робер Пирес, Яри Литманен, Кристиан Карамбе, Андреа Пирло, Рауль, Робби Кин, Нуну Гомеш ва собиқ аёл футболчи Келли Смит.
“Роналдиньо дўстлари”: Дэвид Жеймс, Антонис Никополидис, Жулиано Беллетти, Кафу, Эдмилсон, Эрик Абидаль, Майкл Эссьен, Юрий Жоркаефф, Гаиска Мендьета, Рональд де Бур, Хенрик Ларссон, Александр Фрай, Патрик Клюйверт, Селия Шашич ва Кэйси Стоун.
Учрашув якунида “Фигу дўстлари” 4:3 ҳисобида ғалаба қозонди.
