"Наполи" бош мураббийи Маурицио Саррининг агенти "Челси" билан музокаралар ўтказиш учун Лондонга келди, дея хабар беради AreaNapoli.
Лондон клуби италиялик 59 ёшли мутахассисни Антонио Конте ўрнига бош мураббий қилиб тайинламоқчилар. "Челси" Англия чемпионати тугашига 4 тур қолганда 5-ўринда бормоқда ва келгуси мавсумда чемпионлар лигасидан қуруқ қолиши мумкин.
Сарри 2015 йилдан "Наполи"ни бошқариб келмоқда. Унинг жамоаси А сериянинг ушбу мавсумида Италия чемпионлиги учун курашмоқда. Неаполликлар пешқадам "Ювентус"да бир очко кам тўплаб, иккинчи ўринни эгаллаб турибдилар.
