"Napoli" bosh murabbiyi Maurisio Sarrining agenti "Chelsi" bilan muzokaralar o‘tkazish uchun Londonga keldi, deya xabar beradi AreaNapoli.
London klubi italiyalik 59 yoshli mutaxassisni Antonio Konte o‘rniga bosh murabbiy qilib tayinlamoqchilar. "Chelsi" Angliya chempionati tugashiga 4 tur qolganda 5-o‘rinda bormoqda va kelgusi mavsumda chempionlar ligasidan quruq qolishi mumkin.
Sarri 2015 yildan "Napoli"ni boshqarib kelmoqda. Uning jamoasi A seriyaning ushbu mavsumida Italiya chempionligi uchun kurashmoqda. Neapolliklar peshqadam "Yuventus"da bir ochko kam to‘plab, ikkinchi o‘rinni egallab turibdilar.