“Бавария” клуби бош мураббийи Юпп Хайнкес “Реал”га қарши ўйиндан сўнг, жорий мавсум мураббийлик фаолиятини якунлашини маълум қилди.

“2013-йил Чемпионлар Лигасида “Боруссия”га қарши финалдан сўнг, бошқа бу турнирда ўйнамайман деб ўйлагандим.

Қайтиш ҳақида ўйламагандим ҳам. Энди аниқ айта оламан бу ўйин Чемпионлар Лигасида сўнгиси бўлди.

Бошқа мураббий бўлиб ишламайман. Аммо ҳаммаси ажойиб ўтди.

Шундай якун топганидан афсусдаман. 9 ой давомида биз жуда кўп мехнат қилдик.

Қўл остимда шундай ажойиб футболчилар борлигидан ҳурсандман.

Тарихга шундай якун ясалганидан афсусдамиз”, - дейди Хайнкес.

Маълумот учун, Хайнкес мюнхен клубини тўрт марта Германия чемпиони, ва 2012/13 мавсумларда Чемпионлар лигаси ғолиби бўлган.