“Насаф” навбатдаги 10-тур учрашувини Тошкент шаҳрида “Бунёдкор” жамоасига қарши ўтказади. Учрашув 4 май жума куни “Бунёдкор” стадионида бўлиб ўтади. Учрашув соат 18:00да бошланади.

Pepsi Суперлига, 10-тур

“БУНЁДКОР” – “НАСАФ”

04.05.2018. “Бунёдкор” арена, соат 18:00да

Бош ҳакам: Равшан Эрматов (Тошкент)

Қанот ҳакамлари: Абдуҳамидулло Расулов (Тошкент), Жаҳонгир Саидов (Тошкент)

Захира ҳаками: Дмитрий Клепиков (Тошкент).

Назоратчи – Марат Исмоилов (Тошкент).

Комиссар – Маъмур Саидқосимов.

Ўзаро учрашувларга оид

Шу пайтгача чемпионатда бу икки жамоа 22 маротаба куч синашишган. Ўтказилган ўйинларнинг 11 тасида “Бунёдкор”нинг қўли баланд келган бўлса, 8 учрашувда кучлар тенг келган. “Насаф” футболчилари 3 ўйинда ғалаба нашидасини суришган. Тўплар фарқи – 30:12 “қалдирғочлар” фойдасига.

Ўтган йилги мавсумда бўлиб ўтган ўзаро учрашувларда “Бунёдкор” ғалаба қозонган.

Тошкентдаги ўзаро учрашувларга оид

Бу жамоалар Тошкентда 11 бор куч синашишган. Шундан 1тасида “аждарлар” ғалабага эришишган. “Бунёдкор” эса Тошкентда 8 марта ғалаба қозонган. Қолган 2 учрашувда ғолиб аниқланмаган.

“Насаф” сўнгги бор “Бунёдкор”ни Тошкентда 2014 йили мағлуб этган.

Тошкентда бўлган сўнгги беш учрашув натижаси

04.07.2017. “БУНЁДКОР” – “НАСАФ” 3:2

15.10.2016. “БУНЁДКОР” – “НАСАФ” 1:0

07.06.2015. “БУНЁДКОР” – “НАСАФ” 0:0

25.09.2014. “БУНЁДКОР” – “НАСАФ” 1:2

08.03.2013. “БУНЁДКОР” – “НАСАФ” 3:0

Айни пайтда “Насаф” 14 очко билан турнир жадвалининг 4-поғонасини эгаллаб турибди. “Бунёдкор” жамоаси ҳисобида 16 очко бор ва турнир жадвалининг 3-поғонасида бормоқда.

“Бунёдкор” – “Насаф” ёшлари ўртасидаги учрашув бугун, 3 май куни “Бунёдкор” академиясининг 1-майдонида бўлиб ўтади ва соат 16:00да бошланади.

Барча футбол ишқибозларини ана учрашвларга таклиф этиб қоламиз.