“Nasaf” navbatdagi 10-tur uchrashuvini Toshkent shahrida “Bunyodkor” jamoasiga qarshi o‘tkazadi. Uchrashuv 4 may juma kuni “Bunyodkor” stadionida bo‘lib o‘tadi. Uchrashuv soat 18:00da boshlanadi.
Pepsi Superliga, 10-tur
“BUNYODKOR” – “NASAF”
04.05.2018. “Bunyodkor” arena, soat 18:00da
Bosh hakam: Ravshan Ermatov (Toshkent)
Qanot hakamlari: Abduhamidullo Rasulov (Toshkent), Jahongir Saidov (Toshkent)
Zaxira hakami: Dmitriy Klepikov (Toshkent).
Nazoratchi – Marat Ismoilov (Toshkent).
Komissar – Ma’mur Saidqosimov.
O‘zaro uchrashuvlarga oid
Shu paytgacha chempionatda bu ikki jamoa 22 marotaba kuch sinashishgan. O‘tkazilgan o‘yinlarning 11 tasida “Bunyodkor”ning qo‘li baland kelgan bo‘lsa, 8 uchrashuvda kuchlar teng kelgan. “Nasaf” futbolchilari 3 o‘yinda g‘alaba nashidasini surishgan. To‘plar farqi – 30:12 “qaldirg‘ochlar” foydasiga.
O‘tgan yilgi mavsumda bo‘lib o‘tgan o‘zaro uchrashuvlarda “Bunyodkor” g‘alaba qozongan.
Toshkentdagi o‘zaro uchrashuvlarga oid
Bu jamoalar Toshkentda 11 bor kuch sinashishgan. Shundan 1tasida “ajdarlar” g‘alabaga erishishgan. “Bunyodkor” esa Toshkentda 8 marta g‘alaba qozongan. Qolgan 2 uchrashuvda g‘olib aniqlanmagan.
“Nasaf” so‘nggi bor “Bunyodkor”ni Toshkentda 2014 yili mag‘lub etgan.
Toshkentda bo‘lgan so‘nggi besh uchrashuv natijasi
04.07.2017. “BUNYODKOR” – “NASAF” 3:2
15.10.2016. “BUNYODKOR” – “NASAF” 1:0
07.06.2015. “BUNYODKOR” – “NASAF” 0:0
25.09.2014. “BUNYODKOR” – “NASAF” 1:2
08.03.2013. “BUNYODKOR” – “NASAF” 3:0
Ayni paytda “Nasaf” 14 ochko bilan turnir jadvalining 4-pog‘onasini egallab turibdi. “Bunyodkor” jamoasi hisobida 16 ochko bor va turnir jadvalining 3-pog‘onasida bormoqda.
“Bunyodkor” – “Nasaf” yoshlari o‘rtasidagi uchrashuv bugun, 3 may kuni “Bunyodkor” akademiyasining 1-maydonida bo‘lib o‘tadi va soat 16:00da boshlanadi.
Barcha futbol ishqibozlarini ana uchrashvlarga taklif etib qolamiz.
