2016 йилда "Лестер" Англия чемпиони бўлганида Жейми Вардининг "эгизаги" интернет юлдузига айланган эди. Улар ҳатто чемпионликни бирга нишонладилар, худди бир умр бирга ўсганлардек.
Энди эса мисрлик Аҳмад Баҳаанинг вақти келди. У Муҳаммад Салоҳга шунчалик ўхшайдики, ёнма ён турганида уларни ажратиш қийин. Мухлислар уларнинг ўхшаш чеҳралар тарихида энг яхши жуфтлик деб атамоқдалар.
Баҳаа Ғизода туғилган, Қоҳира университетини тугатган, ҳозирда муҳандис бўлиб ишламоқда ва футбол ўйнаб туради.
Мисрнинг энг катта юлдузи билан ўхшашлиги унга катта шуҳрат келтирди, у телевидениеда тез-тез чиқиш қилиб туради, мухлислар кўчада уни Муҳакммад билан адаштириб турадилар.
