"Реал" ҳимоячиси Марсело Испания чемпионатининг 36-турида "Барселона" билан дуранг (2:2) ҳақида фикр билдирди.
"Менимча, бу ўйинда "Реал" ғалабага муносиб эди. Биз устунлик қилдик, ўйинни назорат қилдик, аммо вазиятлардан фойдалана олмаслик панд берди. Биринчи бўлимни ёмон ўтказмадик, иккинчи бўлимда охиригача ғалаба учун ўйнадик.
Жарима майдони ичида йиқилишим билан боғлиқ вазиятда ҳакам пенальти бериши керак эди. Робертонинг четлатилиши? Мен юзимда зарбани сездим.
Қўрқинчли воқеа бўлмади, бу футбол. Ҳакамлар хато қилиши мумкин, айниқса, мана шундай ўйинларда", - дейди Марсело.
