El Larguero хабарига кўра, "Атлетико" ёзда жамоани тарк этиш эҳтимоли юқори бўлган ҳужумчи Антуан Гризманнинг ўрнига футболчи қидирмоқда.
Мадридликлар таркибини кучайтириши лозим бўлган футболчилар ҳозир "ПСЖ"да ўйнамоқда. Булар "ПСЖ"нинг ўзи "Атлетико"га таклиф қилган вингер Анхель Ди Мария ва уругвайлик ҳужумчи Эдинсон Кавани.
Аммо Кавани борасида узоқ музокара олиб бориш керак, чунки унинг ўйинлари парижликлар раҳбариятини қониқтимоқда. Муаммо шундаки, Кавани жамоанинг янги ҳужумчиси Неймар билан чиқишмайди. Бу уругвайлик футболчининг "Атлетико"га ўтишига сабаб бўлиши мумкин.
