“Манчестер Юнайтед” устози Жозе Моуриньо жамоанинг жорий мавсумда Чемпионшипдан АПЛга чиққан барча жамоага ютқазганидан ҳайрон қолмоқда. Маълумот учун, “МЮ” жорий мавсумни АПЛда бошлаган “Хаддерсфилд”, “Ньюкасл” ва “Брайтон”га мағлуб бўлди.

“Агар менга мавсум бошида бешта жамоага, масалан, “Хаддерсфилд”, “Манчестер Сити” ва “Лестер”га ютқазишимизни айтишса, мен буни нормал ҳолат деб қабул қилардим. Аммо “Манчестер Юнайтед”нинг Чемпионшипдан АПЛга чиққан барча жамоага ютқазгани мени ажаблантиряпти, бу ёқимсиз ҳолат”, деди Моуриньо.