"Рома" ярим ҳимоячиси Ража Наингголан Бельгия терма жамоасидаги фаолиятини якунлаганини эълон қилди.

"Юракдаги қайғу билан шуни эълон қиламанки, терма жамоадаги фаолиятимни якунлашга қарор қилдим. Терма жамоага ёрдам бериш учун қўлимдан келган барча ишни қилдим. Афсуски, айрим инсонлар учун бу нарса етарли бўлмади. Бугундан бошлаб Бельгия терма жамоасининг бош фанатига айланаман", – дея ёзди Наингголан ўзининг Инстаграмдаги саҳифасида.

Бельгия терма жамоаси бош мураббийи Роберто Мартинес бугун ЖЧ-2018га борадиган футболчилар рўйхатини эълон қилди. Унда Наингголанга жой топилмади.

Ража Наингголан Бельгия терма жамоаси сафида 2009 йилда дебют қилган. "Қизил иблислар" сафида у жами 29та ўйинда майдонга тушиб, 6та гол уришга муваффақ бўлган.

Бельгия терма жамоасининг ЖЧ-2018 учун кенгайтирилган рўйхати:

Дарвозабонлар: Кастелс, Куртуа, Селс, Миньоле

Ҳимоячилар: Алдервейрелд, Боята, Симан, Кабаселе, Компани, Джордан Лукаку, Менье, Вермален, Вертонген

Ярим ҳимоячилар: Чадли, Де Брюйне, Мусса Дембеле, Дендонкер, Феллаини, Эден Азар, Торган Азар, Янузай, Тилеманс, Витсель

Ҳужумчилар: Батшуаи, Бентеке, Феррейра Карраско, Ромелу Лукаку, Мертенс

Бельгия терма жамоаси Мундиалда Англия, Панама ва Тунис билан бир гуруҳдан жой олишган.