Аргентиналик афсонавий футболчи Диего Марадона терма жамоа юлдузи Лионель Мессининг ЖЧ-2018да танқидчиларни унутиб тўп суриши лозимлигини айтди.

"Мен Мессига ўйнаш ва футболдан завф олишни маслаҳат берган бўлардим. Аргентина аҳон чемпиони бўладими, йўқми, нима бўлганда ҳам у танқидчиларни унутиши керак. У ниманидир исботлашга мажбур эмас, у майдонга тушиб ўйиндан завқ олиши керак.

Мен Сампаолини билмайман, унинг қандай ўйнашини ҳам. Терма жамоадаги кўп футболчилар билан танишман, уларнинг бор кучини ишга солишларига ишонаман. Уларда ғолиб чиқиш учун яхши имконият бор. Мен Аргентинани фаворит деб атамайман, чунки, фаворитлар ҳеч қачон ғалаба қозонмайдилар", - дейди Марадона.