“Пахтакор” футбол клуби бугун халқаро болаларни ҳимоя қилиш куни муносабати билан болалар мактаби ва меҳрибонлик уйларида совғалар улашди.

Дастлаб, клуб футболчилари ва мутасаддилари жисмонан ҳамда ақлан заиф болалар мактабига ташриф буюриб, эсдалик совғалари улашди. Шунингдек, клуб болаларга футбол ўйнашлари учун махсус футбол майдонини совға қилишди. Эндиликда, ушбу мактаб ўқувчилари ҳам ушбу майдонда футбол ўйнашлари ва ўз маҳоратларини ошириб боришлари мумкин бўлади.

“Пахтакор” футбол клуби шунингдек, меҳрибонлик уйлари тарбияланувчилари билан ҳам учрашди ҳамда уларга ҳам ўз совғаларини улашди. Байрам тадбирлари бошқа мактаб ва муассасаларда давом этмоқда.