Франция терма жамоаси бош мураббийи Дидье Дешам ўртоқлик ўйинида Италия терма жамоаси устидан қозонилган ғалабадан сўнг (3:1) фикрларини билдирди.
"Биз иштиёқ ва ҳафсаламизни сақлашимиз керак. Ҳозирча ҳаммасини идеал бажармаяпмиз, аммо айни пайтда жамоада ишлар қониқарли.
Иккинчи бўлимда италияликларга голли вазиятлар содир этишга қўйиб бердик, шу билан бирга қарши ҳужум учун кенг имкониятлар очилди. Ҳужумларни якунлашда аниқроқ бўлишимиз керак эди.
Футболчилар бу ўйинга ва Ирландия билан ўйинга тўғри муносабатда бўлишди. Энди ЖЧга тайёргарликнинг охирги қисмига киришамиз", - дейди Дешам.
