"МЮ" бош мураббийи Жозе Моуриньо ҳали бери Португалия терма жамоасини бошқармаслигини айтди.

- Португалия ЖЧ-2018да 0олиб бўлиши мумкинми?

– Биз Евро-2016да ғолиб бўлганмиз, демак, биз дунёнинг энг яхши жамоалари қаторидамиз.

Португалия – бу ҳар доим янги иқтидорлар туғиладидан мамлакат. Ҳозирги таркиб икки йил аввалгисидан яхшироқ.

Шу тариқа, Португалия ҳамма нарсага қодир. Жаҳон чемпиони бўлишимиз мумкинми? Бундай дея олмайман, аммо кунимиз туғса - исталган жамоани ютишимиз мумкин.

- Бир неча йил аввал, чарчасангиз Португалия термасини бошқаришингиз мумкинлигини айтган эдингиз. Чарчоқ яқинми?

- Йўқ! Мен умуман чарчоқни ҳис қилмаяпман. Менинг ишим - клуб мураббийи бўлиш. Чунки менга ҳар ҳафта ўйин, ҳар кунлик машғулот керак.

Айтишим мумкинки, чарчоқдан бир неча йил аввалгидан кўра, янада узоқлашдим.