Бразилия терма жамоаси бугун Хорватияга қарши ўртоқлик ўйинини ўтказди ва ишончли ғалабани қўлга киритди.

Эътиборли томони, иккинчи бўлим бошида захирадан майдонга тушган Неймар, баҳснинг 69-дақиқасида ҳисобни очишга муваффақ бўлди. Бразилиялик ҳужумчи 25 февралдан бери илк марта майдонга тушганини таъкидлаш лозим.

Учрашувга қўшиб берилган дақиқаларда "Ливерпуль" ҳужумчиси Роберто Фирмино Бразилиянинг иккинчи голини рақиб дарвозасига киритди.

Ўртоқлик ўйини
Бразилия – Хорватия 2:0 (0:0, 2:0)
3 июнь, 17.00, «Энфилд»
Голлар: 1:0 – 69 Неймар, 2:0 – 90+4 Фирмино.
Бразилия – Алиссон, Тиаго Силва, Марсело (Филипе Луис, 60), Данило, Миранда (Маркиньос, 65), Фернандиньо (Неймар, 46), Каземиро, Виллиан (Фред, 82), Паулиньо, Коутиньо (Тайсон, 82), Габриэл Жезус (Фирмино, 60).
Хорватия – Субашич, Ловрен, Вида, Врсалько (Едвай, 87), Чорлука (Чалета-Цар, 52), Модрич (Ковачич, 58), Ракитич (Брадарич, 83), Перишич, Бадель (Брозович, 61), Ребич (Пьяца, 64), Крамарич.
Огоҳлантиришлар: Крамарич (13), Перишич (38), Фернандиньо (40), Ракитич (78).