Braziliya terma jamoasi bugun Xorvatiyaga qarshi o‘rtoqlik o‘yinini o‘tkazdi va ishonchli g‘alabani qo‘lga kiritdi.

E’tiborli tomoni, ikkinchi bo‘lim boshida zaxiradan maydonga tushgan Neymar, bahsning 69-daqiqasida hisobni ochishga muvaffaq bo‘ldi. Braziliyalik hujumchi 25 fevraldan beri ilk marta maydonga tushganini ta’kidlash lozim.

Uchrashuvga qo‘shib berilgan daqiqalarda "Liverpul" hujumchisi Roberto Firmino Braziliyaning ikkinchi golini raqib darvozasiga kiritdi.

O‘rtoqlik o‘yini
Braziliya – Xorvatiya 2:0 (0:0, 2:0)
3 iyun, 17.00, «Enfild»
Gollar: 1:0 – 69 Neymar, 2:0 – 90+4 Firmino.
Braziliya – Alisson, Tiago Silva, Marselo (Filipe Luis, 60), Danilo, Miranda (Markinyos, 65), Fernandinyo (Neymar, 46), Kazemiro, Villian (Fred, 82), Paulinyo, Koutinyo (Tayson, 82), Gabriel Jezus (Firmino, 60).
Xorvatiya – Subashich, Lovren, Vida, Vrsalko (Edvay, 87), Chorluka (CHaleta-Sar, 52), Modrich (Kovachich, 58), Rakitich (Bradarich, 83), Perishich, Badel (Brozovich, 61), Rebich (Pyasa, 64), Kramarich.
Ogohlantirishlar: Kramarich (13), Perishich (38), Fernandinyo (40), Rakitich (78).