"Пари Сен-Жермен" клуби ва Бразилия терма жамоаси ҳужумчиси Неймар миллий терма жамоа тарихида энг яхши тўпурар учун кураш ҳақида фикр билдирди.
"Бразилия терма жамоасининг энг яхши тўпурари кучун кураш деган нарсанинг ўзи йўқ. Булар мен учун фақат рақамлар. Ромарио, Роналдо ва Пеле - менинг кумирларим, улар менгача бу ерда бўлганлар ва мен ҳеч қачон улардан яхшироқ бўла олмайман. Уларнинг ҳар бирини ҳурмат қиламан.
Мен ўз жамоамга ёрдам беришдан, гол уришдан хурсандман, аммо кумирларимдан ўзиб кетиш мақсадим бўлмаган ва буни уддалай олмайман ҳам", - дейди Неймар.
Неймар кеча Хорватия терма жамоаси билан ўртоқлик ўйинида гол урди, бу унинг термадаги 54-гол бўлди. Бразилия термасида ундан кўпроқ Ромарио (55), Роналдо ва Пеле (77 тадан ) гол урганлар.
