Бостон клиникаси шифокорлари "Ливерпуль" дарвозабони Лорис Кариуснинг соғлиги ҳақида ўз хулосаларини бердилар.
"Ливерпуль" шифокорлари 24 ёшли немис дарвозабони ЕЧЛ финалида "Реал" ҳимоячиси Серхио Рамоснинг тирсак зарбасидан сўнг ўйинни мия чайқалиши билан ўтказгани ҳақида шубҳаланган эдилар.
Кариус 31 май куни АҚШнинг Бостон шаҳрида бош жароҳатлари мутахассиси Росс Зафонтега кўринди. "Ливерпуль" тиббий штабининг сўровига кўра, Зафонте Массачутетс клиникасида унинг бошини рентген нурларидан ўтказди.
"Бугун "Ливерпуль" дарвозабони Лорис Кариуснинг соғлиги борасида кўп қўнғироқлар олдик.
Тўлиқсиз ва нотўғри ахборот тарқалишининг олдини олиш мақсадида, жаноб Кариуснинг рухсати билан унинг соғлиги ҳақида маълумот берамиз.
Кариус 31 май куни доктор Росс Зафонте ва доктор Ленорр Хергет томонидан чуқур текширувдан ўтди. Ўйин видеосининг чуқур таҳлили, керакли маълумотлар ва футболчининг айтган аломатлардан сўнг, шунингдек, жисмоний текширув ва обьектив кўрсаткичлардан сўнг шундай хулосага келдик: Кариусда 26 май куни мия чайқалиши содир бўлган.
Текширувимиз давомида асосий аломатлар атрофни англаш дисфункцияси борлигидан дарак берди, бу эҳтимол, чайқалишдан кейин рўй берган. Бу Кариуснинг ўйинига таъсир қилган бўлиши мумкин.
Кариус аҳволи яхшиланаётганини айтмоқда. Биз унинг тўлиқ тикланишини кутяпмиз.
Бу масалада биз бера оладиган ягона шарҳ шу. Бундан кейинги барча саволлар "Ливерпуль" матбуот хизматига берилсин", - дейилади шифокорлар баёнотида.
