Бразилияда давлат хизматчилари ЖЧ-2018да ўз миллий терма жамоаси ўйини томоша қилиш учун ишни эрта тарк этиш ва кечроқ келиш ҳуқуқига эга бўладилар, дея хабар беради ҳукуматнинг расмий сайти Diaro Oficial da Uniao.
Россия билан вақт фарқи туфайли Бразилия терма жамоасининг ўйинлари маҳаллий вақт билан эрта тонгга ёки кундузига тўғри келади.
Бразилиялик хизматчилар терма жамоанинг тонгдаги ўйинларидан сўнг ишга 14:00дан келиш ҳуқуқига эга бўладилар, кечки ўйинлар учун эса 13:00дан кетишлари мумкин бўлади.
Қолдирилган соатларни хизматчилар кейинроқ ўтаб берадилар. Аммо ҳукумат ўта муҳим ташкилотларда иш тўхтаб қолмаслиги ҳақида топшириқ берган.
