Ўзбекистон таэквондо WTF ассоциацияси ҳамкорликни кучайтириш, халқаро муносабатларни янада ривожлантириш мақсадида Россия ва Қозоғистон таэквондо терма жамоаларини пойтахтимизга таклиф этди.
Ушбу мамлакат спортчилари юртимизда ўқув-машғулот йиғинларини ўтказишади. Кеча меҳмон спортчилар юртимизга етиб келишди. Қайд этиб ўтиш лозимки, россиялик таэквондочилар сафида Гран-При ва Европа чемпионати совриндорлари ҳам бор.
Сир эмаски, таэквондочиларимиз яқинлашиб келаётган Осиё ўйинларида терма жамоамиз учун муҳим бўлган медалларни тақдим этишлари кутилмоқда. Бунинг учун албатта юқори савиядаги ўқув-машғулот йиғинлари, шарт-шароитлар ва кучли спарринг рақиблар керак бўлади. Россия ва Қозоғистон терма жамоаси таэквондочилари билан ташкил қилинадиган қўшма йиғин эса бу борада муҳим роль ўйнайди.
