Марказий Осиё футбол ассоциацияси томонидан жорий йилнинг 3-10 июль кунлари пойтахтимизда 16 ёшгача бўлган футболчилар ўртасида минтақа чемпионати ўтказилиши ҳақида хабар берган эдик.

U-16 Марказий Осиё чемпионати баҳслари учун ОАВ вакилларини аккредитациядан ўтказиш жараёни бошланганини маълум қиламиз. “CAFA U-16 championship” мусобақаси учрашувларини бевосита стадионнинг ўзидан ёритишни мақсад қилган барча турдаги ОАВ вакиллари ўз ҳодмимлари рўйхати (“заявкаси”)ни 28 июндан 2 июль кунига қадар қуйидаги электрон почтага (media@the-cafa.com) жўнатишлари талаб этилади.

Таъкидлаб ўтамиз, мусобақада 16 ёшгача бўлган футболчилардан ташкил топган Ўзбекистон, Тожикистон, Афғонистон ва Қирғизистон терма жамоалари иштирок этади.