ФИФА ташкилотнинг собиқ элчиси Диего Марадонанинг ЖЧ-2018 нимчорак финалида Англия – Колумбия (1:1, 4:3 пен.) учрашуви ҳаками Марк Гейгерга нисбатан айтган сўзлари бўйича расмий баёнот берди.
Аргентиналик футбол афсонаси ҳакамнинг ишини "катта талончилик" деб атаган эди.
"ФИФА бу каби шарҳлари учун Марадонани кескин қоралайди. Унинг сўзлари мутлақо ноўрин ва ассоссиздир.
Футбол тарихида из қолдирган ўйинчидан бундай сўзларни эшитиш жуда ачинарли", - дейилади баёнотда.
Аввалроқ, ФИФА Аргентина - Нигерия учрашувида (2:1) Маркос Рохонинг голидан сўнг номаъқул қилиқ қилгани учун Марадона билан ҳамкорлик қилишни тўхтатган эди.
