Учинчи йилдирки, терма жамоамиз сардори Одил Аҳмедов Наманган вилоятида мусобақа ўтказиб келаяпти. Жорий мусобақа ЎФА билан ҳамкорликда ташкил этилди.

2009 йилда таваллуд топган жамоалар ўртасидаги баҳсларда 16та жамоа чемпионлик йўлида баҳс олиб борадилар. Тўрақўрғондаги кичик аренада бўлиб ўтаётган мусобақанинг илк тури натижалари билан танишинг.

"Биз, ЎФА билан бир жамоамиз! Шу кунгача вилоятимиз 40га яқин мусобақаларни ўтказди. Йил охирига қадар уларнинг сони 100га етади. Умид Аҳмаджонов томонидан эълон қилинган 1000та мусобақа лойиҳасида ўз ҳиссамизни қўшаётганимиздан хурсандмиз.

Айниқса "Олтин водий" дастури асосида ишга тушган, вилоят чемпионати кўтарингки рухда давом этаяпти. Ҳозир вилоятимиз жамоаларида бирон бўш куни йўқ. Тинмай ўтказилинаётган мусобақалар болаларни чиниқтириши таббий", - дейди очилиш маросимида сўзга чиққан Наманган вилояти футбол Ассоциацияси 1-Вице-прзиденти Баҳром Холмирзаев .

"А" гуруҳи. 1-тур.
"Баркамол Авлод" - "Odil Junior" (Тошкент) 3:7
"Нефтчи" - "Азия" 10:0

"B" гуруҳи. 1-тур.
"Бунёдкор" - "Дўстлик" 7:1
"Косонсой" - "Odil Junior-10" (Наманган) 5:1

"С" гуруҳи. 1-тур.
"Навбаҳор" - "Тўрақўрғон" 7-2
"Спартак" - "Қўқон" 7-0

"Д" гуруҳи. 1-тур.
"Фаровон" - "Чуст" +/-
"Навбаҳор-10" - "Косонсой" +/-

П.С: "Косонсой" ва "Чуст" жамоалари ёши катта футболчилар хизматидан фойдаланганлиги учун жамоага техник мағлубият ёзилди.