Бугун, 5 июль куни Ўзбекистон таэквондо WTF ассоциациясида республикамиздаги Олимпия захиралари коллежлари раҳбар ва мураббийлари иштирокида йиғилиш ташкил қилинди. Унда таэквондо WTF федерацияси раиси Лазиз Ҳасанов, Миллий олимпия қўмитаси Жанг санъати ва яккакурашлар департаменти директори Сардор Тошхўжаевлар ҳам қатнашишди.
Йиғилиш давомида спортнинг ушбу тури бўйича қайд этилаётган натижалар самарадорлигини ошириш, Олимпия захиралари коллежларига қабул квоталари ва бошқа масалалар кўриб чиқилди. Ундан ташқари, таэквондони янада ривожлантириш, унинг оммавийлигини ошириш, аҳолининг турли қатламлари орасида кўплаб мусобақалар ва спорт тадбирлари ташкил этиш мақсадида бир қатор таклифлар белдирилди.
