Германия терма жамоаси яримҳимоячиси Месут Ўзилнинг отаси Мустафо Ўзил Туркия президенти Режеб Эрдўғон билан суратга тушгани учун ўғлига бўлган ҳуштакбозликларни қоралади.
"Агар уни ўрнида бўлганимда: "Раҳмат, аммо энди ошириб юбордингиз" деган бўлардим. У ранжиган ва ҳақорат қилинган. Ҳа у ҳақорат қилинган, ўз мухлислари жаҳон чемпионати олдидан унга ҳуштакбозлик қилишди. У буни тушунмаяпти.
У доим ўзини оқлашга мажбур эмас. Месут Германия термасида 9 йил ўйнади ва жаҳон чемпиони бўлди.
Агар ютсак - биргаликда ғалаба қозонган бўламиз, ютқазсак - ҳаммаси Ўзил туфайли. Унга ҳуштак чалишмоқда, шафқатсизлик қилишмоқда. Унинг нималарни ҳис қилаётганини тушунаман.
БУ Месутнинг Эрдўғон билан биринчи сурати эмас. Месут - спортчи, у футбол ўйнайди ва сиёсатга алоқаси йўқ", - дейди ота.
