Жаҳон чемпионатининг 3-ўрни учун кечган баҳс якунига етди. Финалдан бир кун олдин бўлиб ўтган ўйинда Бельгия термаси Англияни 2:0 ҳисобида мағлубиятга учратиб, жаҳон чемпионатининг 3-ўрнини эгаллади.

Ўйиннинг 4-дақиқасида Томас Менье ҳисобни очди, биринчи бўлим шу ҳисобда якунланди. 82-дақиқада Эден Азар Жордан Пикфорд дарвозасини ишғол этиб, жамоасининг иккинчи голини киритди.

Шу тариқа, Бельгия терма жамоаси ўз тарихида илк бор жаҳон чемпионатининг бронза соҳибига айланди. Англия эса 4-ўрин билан чекланди.

ЖЧ-2018. 3-ўрин учун.

Бельгия – Англия 2:0.

Голлар: Менье (4), Азар (82).

Бельгия – Куртуа, Компани, Вертонген, Менье, Алдервейрелд, Витцель, Шадли (Вермален, 39), де Брюйне, Тилеманс (Дембеле, 78), Азар, Лукаку (Мертенс, 60).

Англия – Пикфорд, Жонс, Стоунз, Роуз (Лингард, 46), Магуайр, Делф, Лофтус-Чик (Алли, 84), Стерлинг (Рэшфорд, 46), Дайер, Триппьер, Кейн.

Огоҳлантиришлар: Стоунз (52), Магуайр (76).