Jahon chempionatining 3-o‘rni uchun kechgan bahs yakuniga yetdi. Finaldan bir kun oldin bo‘lib o‘tgan o‘yinda Belgiya termasi Angliyani 2:0 hisobida mag‘lubiyatga uchratib, jahon chempionatining 3-o‘rnini egalladi.
O‘yinning 4-daqiqasida Tomas Menye hisobni ochdi, birinchi bo‘lim shu hisobda yakunlandi. 82-daqiqada Eden Azar Jordan Pikford darvozasini ishg‘ol etib, jamoasining ikkinchi golini kiritdi.
Shu tariqa, Belgiya terma jamoasi o‘z tarixida ilk bor jahon chempionatining bronza sohibiga aylandi. Angliya esa 4-o‘rin bilan cheklandi.
JCH-2018. 3-o‘rin uchun.
Belgiya – Angliya 2:0.
Gollar: Menye (4), Azar (82).
Belgiya – Kurtua, Kompani, Vertongen, MenYE, Alderveyreld, Vitsel, Shadli (Vermalen, 39), de Bryuyne, Tilemans (Dembele, 78), Azar, Lukaku (Mertens, 60).
Angliya – Pikford, Jons, Stounz, Rouz (Lingard, 46), Maguayr, Delf, Loftus-CHik (Alli, 84), Sterling (Reshford, 46), Dayer, Trippyer, Keyn.
Ogohlantirishlar: Stounz (52), Maguayr (76).
