Беларус спорт ва туризм вазири Сергей Ковальчук мамлакат терма жамоасининг ҳалқаро мусобақаларда иштироки ҳақида гапирди.
"Футбол бўйича жаҳон чемпионатини томоша қилиб ўтириб, ўйланиб қоласан: нима учун бизнинг футболчилар у ерда йўқ? Хорватларни кўрамиз, русларга ва бошқа жамоаларга мухлислик қиламиз. Нима, бизнинг одамлар ёмонроқми? Хорватияда 4 млн аҳоли бор, бизда эса 10 миллион. Терма жамоамиз мамлакатимизни жаҳон чемпионатида танита олмайдими? Мумкин эди, аммо қеардадир яхши ишламаяпмиз", - дейди вазир.
Беларус терма жамоаси ЖЧ-2018 саралаш босқичида гуруҳда охирги ўринни эгаллаган. Беларуслар Люксембург билан уйда дуранг ўйнаганлар ва сафарда мағлуб бўлганлар. Яна тўрт ўйинда 3 ва ундан кўп гол ўтказиб юборганлар.
