"Манчестер Юнайтед" бош мураббийи Жозе Моуриньо ЖЧ финалида Франция - Хорватия ўйинида (4:2) белгиланган пенальти ҳақида фикр билдирди.

"Бундай пенальтидан сўнг бу мен шуғулланидиган спорт тури эмас, деб ўйлаб қолдим. VAR сиситемаси томонман, аммо бу кўринидагисига эмас. Видеоткарорлар жиддий хатоларни аниқлаш учун керак. Ҳозир эса бошқа масала, биров пенальти бор эди демоқда, бошқалар эса - йўқ.

Бунда хато содир бўлгани аниқ эмасди. Перишич қўлларини бошининг ортига қўйиб қандай сакрай олиши мумкин эди? Бир метр нарида француз ўйинчиси турганида у қандай қилиб бунга реакция билдира олар эди? БУ финал, оддий ўйин эмас. VAR қарори ўйинга таъсир қилди.

Агар тўп дарвозага кириб кетаётган бўлсаю, Перишич уни қўли билан тўхтатиб қолганида - бу бошқа гап. Аммо бу тасодифан содир бўлди. Бунинг учун ноҳақ пенальти белгиланди. Бу жаҳон чемпионати мени учун VAR номли мундиал бўлиб қолади.

Сербия пенальти берилмагани учун мусобақадан чиқиб кетди. Энди эса финалда ҳам шундай. Франция термасидаги бир ўйинчим (Погба) жаҳон чемпиони бўлиб қайтгани маъқул. Аммо бундай пенальти белгиланмаслиги керак", - дейди Моуриньо.