УЭФА тартиб-интизом қўмитаси “Ливерпул”га қарши Чемпионлар лигаси 1/2 финал учрашуви бўйича “Рома”ни 19 минг евро жарима қўллади.
Бундай қарорга “Рома” мухлисларининг пиротехникадан фойдаланиши, ўйиннинг кераклича ташкиллаштирилмагани, зинали йўлакчалар ёпилиши ва Рим клуби президенти Жеймс Палоттанинг ўзини номуносиб тутиши сабаб бўлди.
Бундан ташқари, Палотта 3 ойга еврокубок ўйинлари пайтида ўз вазифасидан четлатилди. Президент техник зонада, трибунаости йўлакчасида, “Рома” кийиниш хонасида бўлиши мумкин эмас. Жазо Италия жамоасининг еврокубок ўйинларидаги илк ўйинидан бошланади.
