"Манчестер Юнайтед"нинг собиқ бош мураббийи Алекс Фергюсон шу йилнинг май ойида бош мияга қон қуйилишидан сўнг шифохонада ётган чоғида унга далда берганларга миннатдорчилик билдирди.
"Аввалом бор шу ерда ўтириб, шу гапларни айтишимга сабабчи бўлган шифокорларга раҳмат. Ўз номимдан ва оилам номидан раҳмат. Шунингдек, бутун дунёдан келган смс лар ҳам менга ёрдам берди. Далда берганингиз учун раҳмат. Янги мавсумда мен қайтаман ва жамоа ўйинларини томоша қиламан", - дейди Фергюсон.
Эслатиб ўтамиз, 4 май куни Фергюсонда бош мияга қон қуйилиши содир бўлган эди. Эртаси куни мутахассис операция қилинди ва 9 май куни реанимациядан чиқди.
