Россия терма жамоасининг собиқ футболчиси Андрей Канчельскис ўтказилган жаҳон чемпионатидан мамлакат футболи ривожи йўлида фойдаланиш кераклиги айтди.
"Ўтган жаҳон чемпионати мамлакатда футболни ривожлантиришга туртки бўлиши керак. Қурилган стадионларда бозор ташкил қлиш эмас, футбол ўйнатиш керак. Табиий майсали гўзал стадионлар болаларга ва клубларга фойда келтириши керак. Футбол Россияда биринчи рақамли спорт тури бўлиши керак.
Аммо бунинг ўрнига чемпионат даврида 11 та рус клуби ёпилганини кўрдим. Бу ҳақида ҳеч ким ҳеч нарса демаяпти. Бунда қандай ривожланиш бор? Бунга эътибор қаратиш керак, огоҳ қўнғироғини чалиш керак.
Раҳмат, жаҳон чемпионти ўтди, аммо бунинг фойдасини қўллай биладиган раҳбарлар топилиши керак. Масалан, Саранскдаги стадион ўрнида бозор бўлиши - хунук ҳолат", - дейди Канчельскис.
