Ўзбекистон футбол ассоциацияси болалар ва ўсмирлар ўртасида турли мусобақалар ташкил қилиш билан бирга ўсиб келаётган ёш авлодни ватанпарварлик руҳида тарбиялашга хам аҳамят қаратиб келмоқда. 

Ташкил қилинаётган турли мусобақалар шонли тарихимизинг улуғ алломалари, тарихий сиймолари номи бн аталаётгани бежиз эмас. Ўзбек футболи тарихи деганда эса кўз олдимизда "Пахтакор-79" жамоси гавдаланади. Самода сочилган юлдузлар хотирасига бағишланган навбатдаги мусобақа 2002, 2003 йилларда таваллуд топган футболчилар ўртасида Бухоро вилоятида ташкил қилинди. Равил Собиров ва Владимир Агишев ёрқин хотирасига бағишлаб ўтқазилган мусобада жами 8 жамоа ғолиблик учун кураш олиб боришди. 

Якунда мусобақанинг фахрли 3-ўрни "Қизилқум" жамоасини 1:0 ҳисобида мағлубиятга учратган "Шўртан" жамоасига насиб этди. Мусобақанинг финал баҳсида "Бухоро" жамоаси Қаршининг "Насаф" жамоасига қарши беллашди. Асосий вақтда ғолиб аниқланмади - 1:1. 

Пенальтилар сериясида омад мезбонларга кулиб боқди - 5:3. Барча ғолиб ва совриндорлар Ўзбекистон футбол ассоциацияси, Бухоро футбол ассоциацияси ҳамда "Бухоро" футбол клуби томонидан Кубок, медал, диплом ва эсдалик совғалари бн тақдирландилар.