Индонезиянинг Жакарта ва Палембанг шаҳарларида XVIII Осиё ўйинлари бошланиб кетди. Бироз аввал эркин кураш баҳсларида -65кг вазн тоифасидаги спортчимиз Сирожиддин Ҳасанов бронза медали соҳибига айланиб, терма жамоамизга илк олтин медални тақдим этганди.
Ҳозиргина -74кг вазн тоифасидаги спортчимиз Бекзод Абдураҳмонов мусобақадаги финал жангини ўтказди. Ҳал қилувчи жангда Бекзодга қозоғистонлик Данияр Кайсанов рақиблик қилди. Муросасиз кечган баҳсда ҳамюртимиз рақибини 3:2 ҳисобида мағлубиятга учратди ва терма жамоамизга илк олтин медални тақдим этди.
Бекзоднинг ушбу олтин медали Ўзбекистон спорт делегациясининг Индонезиядаги XVIII Осиё ўйинларидаги биринчиси сифатида тарихга кирди.
Қайд этиб ўтиш лозимки, ушбу чемпионлик Абдураҳмонов учун Осиё ўйинларидаги иккинчи ғалаба ҳисобланади. Бунгача у 2014 йилда ҳам шоҳсупанинг энг юқори поғонасидан ўрин олишга муваффақ бўлганди. Эътиборлиси, тўрт йил олдин ҳам айнан Бекзод делегациямизга илк олтин медални тақдим этганди.
Шу тариқа, Ўзбекистон терма жамоасининг Осиё ўйинларидаги медаллари сони иккитага етди. Ушбу муваффақият билан спортчи ва унинг мураббийларини табриклаб қоламиз.
