Indoneziyaning Jakarta va Palembang shaharlarida XVIII Osiyo o‘yinlari boshlanib ketdi. Biroz avval erkin kurash bahslarida -65kg vazn toifasidagi sportchimiz Sirojiddin Hasanov bronza medali sohibiga aylanib, terma jamoamizga ilk oltin medalni taqdim etgandi.
Hozirgina -74kg vazn toifasidagi sportchimiz Bekzod Abdurahmonov musobaqadagi final jangini o‘tkazdi. Hal qiluvchi jangda Bekzodga qozog‘istonlik Daniyar Kaysanov raqiblik qildi. Murosasiz kechgan bahsda hamyurtimiz raqibini 3:2 hisobida mag‘lubiyatga uchratdi va terma jamoamizga ilk oltin medalni taqdim etdi.
Bekzodning ushbu oltin medali O‘zbekiston sport delegasiyasining Indoneziyadagi XVIII Osiyo o‘yinlaridagi birinchisi sifatida tarixga kirdi.
Qayd etib o‘tish lozimki, ushbu chempionlik Abdurahmonov uchun Osiyo o‘yinlaridagi ikkinchi g‘alaba hisoblanadi. Bungacha u 2014 yilda ham shohsupaning eng yuqori pog‘onasidan o‘rin olishga muvaffaq bo‘lgandi. E’tiborlisi, to‘rt yil oldin ham aynan Bekzod delegasiyamizga ilk oltin medalni taqdim etgandi.
Shu tariqa, O‘zbekiston terma jamoasining Osiyo o‘yinlaridagi medallari soni ikkitaga yetdi. Ushbu muvaffaqiyat bilan sportchi va uning murabbiylarini tabriklab qolamiz.
