Англия чемпионатининг 2-турида “Манчестер Юнайтед” мехмонда "Брайтон" билан ўйнади. Учрашув кутилмаганда Жозе Моуриньо шогирдларининг мағлубияти билан якунланди.

“Брайтон” клуби биринчи бўлимнинг ўрталарида Гленн Мюррейнинг голи эвазига ҳисобда олинга чиқиб олди. Икки дақиқа ўтиб эса Шейн Даффи жамоасининг устунлигини мустаҳкамлади. Танаффусга қадар “қизил иблислар” Лукакунинг голи эвазига ҳисобни қисқартиришди ва Паскаль Гросс пенальтини аниқ амалга ошириб орадаги фарқни яна 2 тага етказди. Ҳакам томонидан қўшиб берилган вақтда Погбанинг 11-метрлик зарбадан киритган голи “Манчестер Юнайтед”нинг мавсумдаги илк мағлубиятидан қутулиб қолишига кўмак бермади.

Англия чемпионати 2-тур

“Брайтон” – “Манчестер Юнайтед” 3:2

Голлар: 1:0 – 25 Мюррей, 2:0 – 27 Даффи, 2:1 – 34 Лукаку, 3:1 – 44, пенальти Гросс, 3:2 – 90, пенальти Погба.

“Брайтон” – Райан, Даффи, Бонг, Монтойя, Данк (Балогун, 20), Стивенс, Проппер, Гросс (Кайяль, 90), Марч, Кнокерт, Мюррей (Локадия, 90).

“Манчестер Юнайтед” – Де Хеа, Байи, Шоу, Янг, Линделеф, Погба, Перейра (Лингард, 46), Мата (Рэшфорд, 46), Фред, Марсьяль (Феллайни, 60), Лукаку.

Огоҳлантиришлар: Марсьяль (45), Мюррей (67).