"Реал" бош мураббийи Хулен Лопетеги Испания чемпионатининг 3-турида "Леганес" устидан қозонилган ғалаба (4:1) хусусида фикр билдирди.

"Бенземанинг дубли? Асосийси, унинг голлари бутун жамоа меҳнатининг натижасида киритилди. Бензема қойилмақом ўйинчи ва ҳар доим шундай бўлган. У нима учун мавсумни 30 ёки 40 та гол билан якунламасин? Унга тан бериш керак. У бахтиёр ва жамоага ёрдам бермоқда.

Дарвозабонга келсак, менда тезкор режа йўқ, аммо Куртуани қўйишга қарор қилдик. Бизда учта яхши дарвозабон бор, шунинг учун энг тўғри қарор чиқаришга уринамиз. Бу сафар Куртуадан фойдаланишга қарор қилдик, бизда имкониятлар кенг. Кейлор Навас - бизнинг ўйинчимиз, "Жирона"га қарши зўр ўйнади ва натижада УЕФА томонидан энг яхши дарвозабон деб топилди", - дейди Лопетеги.