Ўзбекистон Суперлигаси 23-туридан ўрин олган “Қўқон” ва “Насаф” ўртасидаги учрашув якунланди. Қўқондаги “Марказий” ўйингоҳида кечган учрашувда жамоалар дурранга имзо чекишди.
Учрашув кутилганидек шидатли бошланди. Кема-кет ҳужумлардан сўнг 18-дақиқада учрашув боў ҳаками Равшан Эрматов “Насаф” фойдасига пенальти қўйиб берди. Бироқ, “аждарлар” ҳужумчиси Бобир Давлатов 11 метрлик нуқтадан унумли фойдалана олмади. Биринчи бўлимда жамоалар гол ураолишмади.
Иккинчи таймни жамоалар фаол тарзда бошлашди.
Учрашувнинг 63-дақиқасида мезбонлар жарима тўпидан кейин ҳисобни очишди. Жавоҳир Сидиқовнинг заргарона берган зарбаси меҳмонлар дарвозасини ишғол этилишига олиб келди.
Ўйиннинг 70-дақиқасида меҳмонлар ҳисобни тенглаштиришди. Қаршиликларнинг комбинациясини Бобур Абдухолиқов гол билан якунлади.
Қолган дақиқаларда футболчиларимиз ҳарчанд ўринишмасин, рақиб дарвозасига бошқа йўл топа олишмади. Шу тариқа, иккинчи босқични дуранг билан бошладик.
Ушбу жамоаларнинг биринчи босқичда Қўқонда бўлиб ўтган учрашувида ҳам дуранг натижа қайд этилганди.
Суперлига, 23-тур
“Қўқон-1912” – “Насаф” – 1:1 (0:0)
Голлар: Жавоҳир Сидиқов – 63. – Бобур Абдухолиқов – 70.
“Қўқон-1912”: 1. Ўткир Юсупов, 5. Ғиёс Комилов, 10. Жавоҳир Сидиқов, 15. Ойбек Рустамов, 17. Қувондиқ Рўзиев, 19. Суҳроб Бердиев (96. Муҳаммаданас Ҳасанов -84), 23. Александр Мерзляков, 55. Дарко Гожкович, 65. Марко Милич, 70. Жасур Ҳакимов (4. Баҳодир Акрамов, - 87), 79. Иқбол Маликжонов (9. Носир Отақўзиев – 84).
“Насаф”: 35. Санжар Қувватов, 4. Мақсуд Каримов, 5. Ғолиб Ғайбуллаев, 7. Одил Ҳамробеков, 9. Амир Сафаров (38. Акмал Мозговой – 89), 10. Бобур Абдухолиқов, 14. Шароф Муҳитдинов, 17. Дониёр Нарзуллаев, 18. Бобур Давлатов (27. Ислом Рашидхонов – 82), 31. Сайдулло Раҳматов (15. Дилшод Саитов -72), 92. Умар Эшмуродов.
