O‘zbekiston Superligasi 23-turidan o‘rin olgan “Qo‘qon” va “Nasaf” o‘rtasidagi uchrashuv yakunlandi. Qo‘qondagi “Markaziy” o‘yingohida kechgan uchrashuvda jamoalar durranga imzo chekishdi.

Uchrashuv kutilganidek shidatli boshlandi. Kema-ket hujumlardan so‘ng 18-daqiqada uchrashuv boo‘ hakami Ravshan Ermatov “Nasaf” foydasiga penalti qo‘yib berdi. Biroq, “ajdarlar” hujumchisi  Bobir Davlatov 11 metrlik nuqtadan unumli foydalana olmadi. Birinchi bo‘limda jamoalar gol uraolishmadi.

Ikkinchi taymni jamoalar faol tarzda boshlashdi.

Uchrashuvning  63-daqiqasida mezbonlar jarima to‘pidan keyin hisobni ochishdi. Javohir Sidiqovning zargarona bergan zarbasi mehmonlar darvozasini ishg‘ol etilishiga olib keldi.

O‘yinning 70-daqiqasida mehmonlar hisobni tenglashtirishdi. Qarshiliklarning kombinasiyasini Bobur Abduxoliqov gol bilan yakunladi.

Qolgan daqiqalarda futbolchilarimiz harchand o‘rinishmasin, raqib darvozasiga boshqa yo‘l topa olishmadi. Shu tariqa, ikkinchi bosqichni durang bilan boshladik.

Ushbu jamoalarning birinchi bosqichda Qo‘qonda bo‘lib o‘tgan uchrashuvida ham durang natija qayd etilgandi.

Superliga, 23-tur

“Qo‘qon-1912” –  “Nasaf” – 1:1 (0:0)

Gollar: Javohir Sidiqov – 63. – Bobur Abduxoliqov – 70.

“Qo‘qon-1912”: 1. O‘tkir Yusupov, 5. G‘iyos Komilov, 10. Javohir Sidiqov, 15. Oybek Rustamov, 17. Quvondiq Ro‘ziyev, 19. Suhrob Berdiyev (96. Muhammadanas Hasanov -84), 23. Aleksandr Merzlyakov, 55. Darko Gojkovich, 65. Marko Milich, 70. Jasur Hakimov (4. Bahodir Akramov, - 87), 79. Iqbol Malikjonov (9. Nosir Otaqo‘ziyev – 84).

 “Nasaf”: 35. Sanjar Quvvatov, 4. Maqsud Karimov, 5. G‘olib G‘aybullayev, 7. Odil Hamrobekov, 9. Amir Safarov (38. Akmal Mozgovoy – 89), 10. Bobur Abduxoliqov, 14. Sharof Muhitdinov, 17. Doniyor Narzullayev, 18. Bobur Davlatov (27. Islom Rashidxonov – 82), 31. Saydullo Rahmatov (15. Dilshod Saitov -72), 92. Umar Eshmurodov.