Кеча "Локомотив" жамоаси Суперлиганинг 23-тури доирасида "Металлург"га қарши сафар баҳсини ўтказди.
Ушбу учрашув бошланишидан олдин "Локомотив" дарвозабони "Август ойининг энг яхши дарвозабони" совринини қабул қилиб олди.
"Локомотив" жамоаси посбони – Игнатий Нестеров сўровнома якунларига кўра, энг кўп овоз тўплашга муваффақ бўлди. Нестеровни 10 нафар мураббий ва сардор 1-поғонага лойиқ кўришди. Шунингдек, мухлислар ўртасида ташкил этилган сўровномада Нестеров Акбар Тўраевдан сўнг 2-ўриндан жой олди ва қўшимча 4 очкога эга бўлди. Якунда, Игнатий Нестеров 51, Акбар Тўраев 41 ҳамда Элдор Суюнов 39 очко жамғаришга эришди.
Шу тариқа, Игнатий Нестеров жорий йилги мавсумда илк бор ой лауреатига айланди.