"Реал" ҳужумчиси Мариано Диас ЕЧЛда "Рома" устидан қозонилган ғалабадан сўнг (3:0) фикрларини билдирди.

Футболчи учрашувда жамоасининг 3-голига муаллифлик қилди.

"Голимдан хурсандман - жамоадошларимга, пас учун Марселога раҳмат, шу туфайли дебютим ажойиб чиқди. "Реал" мени қайтаришини доим истаганман, шунинг учун миннатдорман. "Реал"да бизга катта маъсулият юкланган. ЕЧЛда яна бир марта ғолиб чиқмоқчимиз.

Лопетеги менга прессинг қилишимни, тўпни йўқотмаслигимни ва машғулотлардаги ишларимни бажаришимни айтди. Умуман олганда мен ҳаяжонланганим йўқ, бу кунни сабрсизлик билан кутдим аммо шошилмадим - Лопетеги менга шундай деган эди", - дейди Диас.