Мадриднинг «Реал» клуби ярим ҳимоячиси Дани Себальос Radio Marca вакилларига берган интервьюсида «Қироллик клуби»даги ҳаёти ҳақида гапириб берди.
Суҳбат чоғида жамоанинг собиқ устози Зайниддин Зиданнинг муносабатларидан мамнун бўлмаганини айтиб ўтди.
ЗИДАН ҲАҚИДА
- Мавсум давомида Зиданга бўлган муносабатим ўзгариб борди. Шундай вазият бўлдики, Кроос ҳам, Модрич ҳам жароҳат олди. Лекин Зидан ўйин услубини ўзгартириб, менинг ўрнимга бошқа футболчиларни ўйнатаверди.
Бу ҳолат қалбга бироз оғир ботади. Биз «Барса»дан 15 очко ортда қолгандик ва Чемпионлар Лигасини интизорлик билан кутардик. Аммо мен ўша механизмнинг ҳам бир қисми эмасдим.
ХУЛЕН ЛОПЕТЕГИ ҲАҚИДА
- У ўз услубини сингдиришга ҳаракат қилмоқда. Хулен танлаган йўналиш ўтган йили фойдаланганимиздан кескин фарқ қилади. Унга тўпни яхши назорат қиладиган жиддий жамоа керак. Лопетегига тўп билан кўпроқ муомалада бўлиш ва ҳужумкорлик ёқади.
ЎЗГАРИШЛАР ҲАҚИДА
- Ўтган мавсум мен учун ёмон ўтди. Бироқ юзага келган вазиятдан ўзимга хулоса чиқариб, футболчи сифатида ўсдим. Мақсадим - «Реал» билан совринлар ютиш.
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
